Podlitiek
"Podlitiek" is 'n weeklikse politieke podsending wat nuusgebeure en kwessies vanuit 'n kritiese, oop en eerlike invalshoek benader, bedink en bespreek.
Podlitiek: Ramaphosa word verdring, deur misdaad omring en AfriForum se Parlement-geding
Die Podlitiek-span hervat vandeesweek hul nimmereindigende kruistog teen feitefoute, propaganda en algemene politiekery.
Podlitiek-onderhoude: Die DA se Crezane Bosch praat oor minderhede, Pretoria en koalisies
In hierdie episode word Crezane Bosch van die DA se loopbaan in politiek bespreek en hoe sy by partypolitiek betrokke geraak het. Haar liefde vir politiek spruit uit haar jong skooldae.
Podlitiek-onderhoude: Martin van Staden praat oor libertynse vrydenkers
Met die tweede episode van Podlitiek se onderhoudreeks gesels Daniël Eloff en Daniel du Plessis met Martin van Staden. Martin is ’n regsnavorser by die Vryemarkstigting en ook die hoofredakteur van beide die Rational Standard en Being Libertarian.
Podlitiek: Steve sê nee, SA se BBP, Theresa May verleë
In die nuutste episode van Podlitiek raak die span, soos altyd, handgemeen met onsekerheid, onkunde en onwaarheid – maar nou ook in ’n video!
Podlitiek: Lesufi se foefie, Mandelabaai verraai en die grondberaad-verraad
Hierdie week se episode trek dié vryheidswa oudergewoonte deur ons liewe land se verdiepende sosialisme-drif deur te kyk na onderwys, munisipaliteite, en grond.
Podlitiek: MiWay se twiet, is jou Reserwebank privaat en AfroWorld View agtergelaat
In hierdie week se vurige episode vol debat en redenering ontnonsens Podlitiek se paneel oudergewoonte die week se nuus en politiese gebeure. Hulle kyk na MiWay se uitvoerende hoof se sosialemedia-opmerkings, die EFF se plan om die Reserwebank te nasionaliseer, en AfroWorld View se onlangse sluiting.
Podlitiek: Plaaslyste, medialuise en die Grondwethof luister
Podlitiek se span gesels hierdie week oor drie vreemde fenomene: Lyste met plase in gevaar, mediafoefies en sensasie, en die lot van ons eertydse hoof van die Nasionale Vervolgingsgesag (NVG), ene Shaun Abrahams.
Podlitiek: Grondonteiening, die DA laat SEB verdwyn en Zanu PF se herverskyning
Paul Maritz en Daniël Eloff, gesels saam met gasaanbieder Daniel du Plessis oor drie sake wat swaar op Suid-Afrikaners se harte druk: Ons land, ons amptelike opposisie, en ons sukkelende bure.
Podlitiek: ’n Goeie week in die hof, die ANC-jeugliga byt in die stof en ’n halfmiljoen gewere teen die SAPD
Daniël Eloff en Paul Maritz gesels saam met die gasaanbieder, Daniel du Plessis, oor ’n paar goeie hofuitsprake wat verlede week gelewer is, die ANC-jeugliga se likwidasie, en die nuutste oor wapenlisensies in Suid-Afrika.
Podlitiek: Noah van links geslaan, Eskom se liggies af en die Soewereine Staat van die Kaap van Goeie Hoop
In hierdie spitsvondige episode gesels Podlitiek se twee gereelde aanbieders, Paul Maritz en Daniël Eloff en die gasaanbieder, Daniel du Plessis, oor Trevor Noah se Twitter-oproer, die nuutste gebeure oor Eskom en China se betrokkenheid by die sukkelende staatsorgaan en laastens oor die idee van ’n onafhanklike Kaap-buurland.
Podlitiek: Wat Andilê daar agter BLF? SA se 2de kolfbeurt by die 'ICC', en daar is ’n Obama op ons stoep
Hierdie week val Podlitiek se vergrootglase op Black First Land First, Suid-Afrika se voorgenome terugkeer na die Internasionale Geregtigheidshof, en die voormalige Amerikaanse president Barack Obama se onlangse besoek aan Suid-Afrika. Soos altyd kan luisteraars kraakvars en bekkige kommentaar verwag!
Podlitiek: Mandela - waar het hy gewen, verloor het en hoe onthou ons hom
In hul eerste spesiale episode breek die Podlitiek-span hierdie week so ʼn bietjie die gewoonte van nuusonderwerpe, en fokus in op een onderwerp – spesifiek die werk en impak van oudpres. Nelson Mandela wat oor die algemeen helder en deurdagte kritiek, lof en analise vryspring.
Podlitiek: Zoeloes, SAL en Suid-Afrika se korrupsie-glipsie
In hierdie episode beredeneer Hermann Pretorius, Daniël Eloff, en Paul Maritz die Zoeloekoning se reaksie op die voorgestelde grondhervorming-sonder-vergoeding-wetgewing, die Suid-Afrikaanse Lugdiens se voorgenome gedeeltelike privatisering, en die korrupsieprobleem waaronder die openbare sektor tans gebuk gaan.
Podlitiek: Belasting, benaming en bewaring
In hierdie episode gesels Daniël, Paul en Hermann oor Grahamstad se voorgestelde naamsverandering, die kommissie van ondersoek na die situasie by die Suid-Afrikaanse Inkomstediens (SAID) en word daar ’n argument gemaak vir die bewaring van wild deur kommersiële jag.
Podlitiek: Die NGV as kwaksalwery, wat die EFF maak die DA, en Twitter se dubbelstandaarde
In hierdie episode gesels Daniël Eloff, Paul Maritz en Hermann Pretorius oor die Nasionale Gesondheidsversekering en vrae daaroor, die DA se huidige uitdagings – spesifiek die uitspraak in die De Lille hofsaak – en die manier waarop Rachel Kolisi, die vrou van Siya Kolisi, op Twitter hanteer is.
Podlitiek: Die raskaart en Cyril se penarie
In hierdie episode gesels Daniël Eloff, Hermann Pretorius en Paul Maritz oor verlede week se aktuele nuusgebeure. Onder meer bespreek hulle Malema se aanhitsing teen Suid-Afrikaanse Indiërs, Ashwin Willemse, Cyril Ramaphosa se ANC en 2019 se verkiesing.
Wie en wat is Podlitiek?
Daniël Eloff, Hermann Pretorius en Paul Maritz is die aanbieders van die nuwe podsending Podlitiek. Hulle verduidelik wie hulle is en waaroor hulle in die gesprekke wil gesels.