Kopskuif

Die geselsprogram, Kopskuif, in samewerking met die ATKV, gaan oor verskilmakers – mense wat kies om teenwoordig te wees in hul gemeenskap, wat kies om hul omstandighede te verander en nie toe te laat dat hul omstandighede húlle verander nie. Op Kopskuif hoor jy verhale van mense wat daagliks hoop bring. Die krag van taal, die waarde van kultuur en die onskatbare potensiaal van elke mens word beklemtoon. Die onwrikbare baken van ons gemeenskappe se krag en kreatiwiteit word gevier. Mag die stories van verskilmakers wat help om gemeenskappe te versterk en jong stemme bemagtig, elke luisteraar inspireer. Soos met alle ander programme op jou gunsteling- Christen-radiostasie, rus Kopskuif op ’n sterk fondament van die Woord van God.