Podlitiek
"Podlitiek" is 'n weeklikse politieke podsending wat nuusgebeure en kwessies vanuit 'n kritiese, oop en eerlike invalshoek benader, bedink en bespreek.
Podlitiek: Cele wil dop verbied, hoe lank nog in grendelstaatgebied?
In die week se episode gesels die Podlitiek-span oor die polisie se pedantiese maatreëls tydens die afsonderingstydperk, die regering wat geld by die Internasionale Monetêre Fonds wil leen en hulle bespiegel oor of die afsonderingstydperk verleng gaan word.
Podlitiek: Polisie raak laf, MRK wil tannie straf en Moody’s gradeer af
In die week se episode gesels die span oor gebeure tydens die afsonderingstydperk: beweerde vergrype deur die weermag en polisie, die Menseregtekommissie se optrede en Moody’s se besluit.
Podlitiek: Korona hier en daar, kyk hoe die ANC en EFF liefde verklaar...
In die week se episode gesels die span oor die nuwe koronavirus (Covid-19) en hoe die wêreld en Suid-Afrika daarop reageer en dan ook die broederliefde wat daar duidelik tussen die EFF se Julius Malema en die ANC se Fikile Mbalula is.
Podlitiek: Habib dink hardop, Cradock bou self op
In hierdie week se episode kyk die span na Adam Habib se Twitter opstel oor die #FeesMustFall-beweging, die verspreiding van die Koronavirus asook ‘n Oos-Kaapse dorp wat hand in eie boesem steek en die dorp laat herleef.
Podlitiek: Ngobeni waai en Lana dink Cyril is fraai
Die siklus van weeklikse nuus is in ʼn sekere sin te vergelyke met die lewenssirkel waarvan Mufasa vroegoggend vir Simba vertel in die Disney-treffer The Lion King juis omdat Podlitiek nog kon onthou hoe nuwe politieke verwikkelinge die nuussiklus geskud het, net om later ten volle weg te sink, en…
Podlitiek: Pompeo se opmerkings ontwrig, Trump neem ‘n Indiese vlug
In hierdie week se episode word daar gekyk na die uitsprake van die VSA se topdiplomaat, Mike Pompeo, oor Suid-Afrika se voorgenome plan om eiendomsregte die nek toe te dien en na die reaksies op oudpresident FW de Klerk se opmerkings oor apartheid.
Podlitiek: Zille verlaat Twitter en FW laat verskeie bitter
In hierdie week se episode bespreek die Podlitiek-span Helen Zille se besluit om haar van die sosiale mediaplatform Twitter te onttrek asook hoe ons na ons land se geskiedenis moet kyk na aanleiding van die afgelope week se debat oor die opmerkings deur FW de Klerk.
Podlitiek: 2020-Staatsrede onder die loep
Die Podlitiek-span het die Staatsrede met ’n valkoog dopgehou, en lewer pittige kommentaar op president Cyril Ramaphosa se planne – of tekort aan planne – vir die komende jaar, asook die groot bohaai wat met die EFF se uitstappery gepaard gegaan het.
Podlitiek: Winde wys polisiemag, SAL weer betrag en ʼn toekoms sonder krag
Podlitiek gesels vandeesweek oor Alan Winde, premier van die Wes-Kaap, se nuwe polisiemag, Gwede Mantashe se uitlatings oor die SAL en Cosatu se voorstel dat pensioenfondse aangewend word om Eskom se skuld te delg.
Podlitiek: 30 jaar ná FW praat en Maimane en Steenhuisen vir mekaar kwaad
Podlitiek gesels vandeesweek oor Mmusi Maimane, voormalige DA-leier, wat vir John Steenhuisen, waarnemende DA-leier, as “Judas” beskryf het, asook hoe FW de Klerk se bekende toespraak van 2 Februarie 1990 onthou word dertig jaar later en die ondersoek na Neill Aggett se dood vier dekades gelede, en hoe jongmense met…
Podlitiek: Quest met waarheid, Mkhwebane dalk uit en grondstryd
Hierdie week val die vergrootglas op die uitlatings van die bekende CNN-joernalis Richard Quest oor Suid-Afrika, die proses wat van stapel gestuur is om die Openbare Beskermer te verwyder, en die nuutste verwikkelings rondom die onteiening sonder vergoeding-kwessie.
Podlitiek: Mashaba wil terug, IMF sien nie lig en Beloftebos dryf wig
Die Podlitiek-span kyk hierdie week na Herman Mashaba wat soos ʼn feniks ʼn politieke loopbaan probeer herbou, die IMF wat swak ekonomiese groei vir Suid-Afrika voorspel, asook die groot oproer oor ʼn trouvenue in die Kaap wat weier om ʼn gay paartjie daar te laat trou.
Podlitiek: Die ANC se doodskiskoek en die 39%-slaagsyfer
Podlitiek is terug met die eerste episode vir 2020! Die span kyk in hierdie episode na die grootste nuus van die nuwe jaar – alles van die ANC se verjaardagkoek tot die groot verwikkelinge in die Midde-Ooste die afgelope twee weke.
Podlitiek: 'n Jaar in oënskou – 2019
Die span bespreek die 2019 verkiesing en die uitval wat gevolg het, Suid-Afrikaanse staatsinstellings wat sukkelend aan die lewe bly en die grootste hofsake wat die reg tot vryheid van spraak die jaar verander en ontwikkel het.
Podlitiek: Haatspraakwet voorlopig uitgesmyt, krieket SA teen almal in die kryt
Die episode sit die kruistog teen feitefoute en politieke korrektheid voort en gesels oor die appèlhof se haatspraakuitspraak, die warboel by Krieket Suid-Afrika (KSA) en die jongste verwikkelinge oor datapryse in Suid-Afrika.
Podlitiek: Onderhoud met André (Onrehabiliteerbare Afrikaner)
In die volgende episode van hul onderhoudreeks gesels Podlitiek met André (Onrehabiliteerbare Afrikaner), ʼn sosialemedia-aktivis en trotse Afrikaner.
Podlitiek: Ferrial laat ons lag, SAL weier ontslag, DA is met Lesufi sag
Hierdie week bespreek die viermanskap van Podlitiek ʼn paar nuusgebeure wat Suid-Afrikaners se koerante en nuustoepassings oorheers het.
Podlitiek: Ferrial laat ons lag, SAL weier ontslag, DA is met Lesufi sag
Hierdie week bespreek die viermanskap van Podlitiek ʼn paar nuusgebeure wat Suid-Afrikaners se koerante en nuustoepassings oorheers het.
Podlitiek: De Ruyter op ʼn wit perd en is Mmusi ʼn party werd?
In hierdie episode kyk die Podlitiek-span na Eskom se nuwe hoof André de Ruyter, Mmusi Maimane se gerugte nuwe politieke party asook die onstuimighede by die SAL.
Podlitiek: Lesufi sukkel met somme, EFF dreig met bomme
Hierdie week is ’n volbank van Podlitiek se viermanskap teenwoordig, en die stories waarna hulle kyk is die bomdreigemente wat die EFF gemaak het, die verkwisting van geld deur Panyaza Lesufi se departement in Gauteng, en die privaatvervolging van die moordenaars van Bafana-ster Senzo Meyiwa.