100.5fm Nuus Klankgreep
Gaan kyk gerus by http://www.radiolaeveld.co.za/nuus-radio-laeveld-100-5fm.html vir meer konteks in verband met die nuusklankgrepe van uit die Laeveld in Mpumalanga.
VF Plus sê mense moet verhoed word om onder die vloedlyn te bou
Die VF Plus dring daarop aan dat die Ehlanzeni-distriksmunisipaliteit die wetgewing toepas wat inwoners verbied om permanente strukture binne die 50-jaar-vloedlyn te bou. Dit na verskeie huise wat klaarblyklik onder die vloedlyn gebou is, verspoel het met die huidige oorstromings in die Laeveld. Volgens Monique Bornman, ‘n VF Plus-raadslid in…
Mpumalanga rampbestuur vra dat mense by die huis bly as hulle kan
Rampbestuur in Mpumalanga vra dat mense sover moontlik van die paaie afbly, gegewe die volgehoue oorstromings in die provinsie. Jacques Benade sê veral Nkomazi word erg geraak. Hulle het reeds versoek dat skole sluit en mense eerder van die huis af werk as hulle kan. 'n Nasionale Ramptoestand is afgekondig…
Gemeenskappe versoek om versigtig te wees met swaar reën
Die hoof van rampbestuur in Mpumalanga, Jacques Benade, sê die grootste brandpunte is Nkomazi, wat die suide van die Krugerwildtuin insluit. Huise in Tekwane Suid het na hoë reënval ook oorstroom. 'n Oranje vlak 9-waarskuwing vir swaar reën is uitgereik in Ehlanzeni vir vandag. Volgens die weerdiens sal die verwagte…
Teerpaaie weer oopgestel in Krugerwildtuin
Teerpaaie in die Krugerwildtuin is weer oopgestel na oorstromings in die Suide gister SANParke genoop het om dit te sluit. Volgens woordvoerder, Ike Phaahla, bly gondpaaie as 'n voorsorgmaatreël gesluit. Buiten Krokodilbrug en Onder-Sabie is alle ruskampe oop. Die Skukuza-lughawe is ook operasioneel. Geen groot skade aan infrastruktuur is tot…
Vier kampe in die wiltuin is ontoeganklik weens oorstromings
Vier kampe sowel as verskeie paaie en brûe in die Krugerwildtuin is ontoeganklik weens oorstromings, maar geen beserings is nog by mense of diere aangemeld nie. Die Onder-Sabie, Krokodilbrug, Biyamiti en Talamati-kampe word erg geraak en is volgens berigte ontoeganklik. Woordvoerder, Ike Phaahla, sê hulle monitor deurlopend die situasie en…
Krokodilbrug-ingang na die Krugerwildtuin oorstroom
Na groot volumes reën deur die nag is verskeie paaie en brûe in die Laeveld oorstroom. Die woordvoerder van die Krugerwildtuin, Ike Phaahla, sê die Krokodilbrug-ingang is oorstroom en kan dus nie gebruik word nie. Die Paul Kruger-hek is wel intussen weer oopgestel. Hy raai besoekers aan die wiltuin egter…
Vermeende lid van 'n stropingsindikaat handig homself oor aan Valke
‘n 47-jarige man verskyn vandag in KaBokweni op aanklagte van handel in renosterhoring as deel van Operasie "Blood Orange". Dit volg na DNS van renosterhorings wat tydens ‘n deursoekoperasie by ‘n huis in Johannesburg bekom is, hom met die toneel verbind het. Volgens die woordvoerder van die Valke, kapt. Dineo…
Nog 'n deurbraak in Operasie "Blood Orange"
‘n 14de verdagte is aangekeer vir beweerde geldwassery wat verband hou renosterstropery in die Valke se Operasie “Blood Orange”. Die voormalige Krugerwildtuin-veldwagters, Chikwa Maluleke en Solly Ubisi, is na bewering betaal vir taktiese inligting om renosterstropingsindikate mee te help. Betaling is glo in familielede se bankrekeninge betaal. Nkateko Maluleke (24)…
Verkeersbeampte aan diens dood
'n Provinsiale verkeersbeampte is gistermiddag aan diens dood toe sy deur ‘n ligte afleweringsvoertuig getref is. Volgens die departement van gemeenskapsveiligheid in Mpumalanga het Jeanette Mlangeni die bestuurder probeer stop omdat hy na bewering gevaarlik 'n ander voertuig verbygesteek het op die R544 tussen Emalahleni en Kriel. Die waarnemende LUR,…
Lily-myn tragedie na sewe jaar herdenk
Dit was gister sewe jaar sedert Lily-myn buite Barberton ingestort het. Die liggame van drie mynwerkers, Yvonne Mnisi, Pretty Nkambule en Solomon Nyirenda is sedertien ondergronds vasgekeer. ActionSA het dit gister saam met familie- en gemeenskapslede herdenk. Partyleier Herman Mashaba sê die ANC-regering se gesloer om die vraghouer met die…
Waarskuwing oor protesaksie
Protesaksie is vanoggend aangemeld rondom Amersfoort met verskeie paaie wat afgesper word deur vragmotors. Polisiewoordvoerder, Bridagadier Selvy Mohlala, sê openbare orde polisiëring is op pad na die toneel, maar die vragmotors is kennelik gekaap en dit mag 'n geruime tyd neem om te verwyder. Vermy die area.
Vonnisse vir verkragters in verwelkom
Die Mpumalanga Premier, Refilwe Mtshweni-Tsipane, het die polisie en Nasionale Vervolgingsgesag geloof vir die swaar vonnisse wat twee verkragters opgelê is. Sibusiso Cossa is tot twee keer lewenslank en ‘n addisionele 50 jaar gevonnis vir misdade wat hy in Tonga gepleeg het. Richard Ndlovu moet ook lewenslank sit vir die…
Renosterstroper moet 18 jaar sit
'n Renosterstroper is gister in Skukuza tot effektief 18 jaar tronkstraf gevonnis. Santos Baloyi is in September in die Afsaal-area van die Krugerwildtuin vasgetrek. Volgens polisiewoordvoerder, Brigadier Selvy Mohlala, het veldwagters op patrollie ondersoek ingestel na hulle ‘n skoot gehoor het. ‘n Skietery het ontstaan. Baloyi is gewond en aangekeer…
DA dien grief in teen Thaba Chweu-burgemeester
Die DA het formeel ‘n grief teen die burgemeester van Thaba Chweu-munisipaliteit, Friddah Nkadimeng, by die Speaker ingedien. ‘n Raadslid, Spiridon Couvaras, voer aan dat sy nie by raadsbesluite hou nie. In November is daar besluit dat noodsaaklike werkers in skofte sal werk om oortydbetaling te verminder, maar dit is…
VF Plus: Vrywaar waterstelsel van beurtkrag
Die VF Plus in Mpumalanga sê waterpompe moet gevrywaar word van beurtkrag. Werner Weber sê beurtkrag veroorsaak dat byna elke munisipaliteit in Mpumalanga sonder water is omdat die pompe wat water aan die woongebiede verskaf, nie sonder elektrisiteit kan funksioneer nie. Hy voeg by dit is belangrik dat munisipaliteite gebeurlikheidsplanne,…
Polisiebeampte in Mpumalanga gearresteer vir vermeende voertuigkaping
'n Polisiesersant verskyn vandag in die hof saam met vyf vermeende medepligtiges in eMalahleni op aanklagte van voertuigkaping en besit van gesteelde goedere. Volgens polisiewoordvoerder, Brigadier Selvy Mohlala, het die Middleburg-blitspatrollie Maandag op 'n wenk reageer en 'n vragmotor wat in Elsburg gekaap is by 'n kleinhoewe in Clewer gevind…
Vlieënier geïdentifiseer wat in ongeluk naby Ou Nelspruit-Lughawe sterf
Die vlieënier wat gistermiddag dood is toe sy ligte vliegtuig naby die Ou Nelspruit-lughawe neergestort het is geïdentifiseer as die 44-jarige Jeff Mabuza, ‘n gerekende sakeman van Steelpoort. Hy was die enigste insittende. Polisiewoordvoerder, brigadier Selvy Mohlala, sê die Burgerlugvaartowerheid ondersoek die oorsaak.
VF Plus sê Govan Mbeki-munisipaliteit is in groot moeilikheid
Die VF Plus in Mpumalanga sê die Govan Mbeki-munisipaliteit is in meer moeilikheid as wat inwoners besef. Aranda Nel-Buitendag gee wanadministrasie die skuld vir swak dienslewering in Bethal, Secunda en omliggende dorpe. Sy sê die ouditeur-generaal het in haar jongste verslag haar kommer uitgespreek oor die tekort aan veral tegniese…
Burgerlugvaart ondersoek noodlottige vliegongeluk in Mbombela
Die Burgerlugvaartowerheid ondersoek ‘n noodlottige vliegongeluk wat gistermiddag in Mbombela plaasgevind het. ‘n Ligte vliegtuig het naby die Ou Nelspruit-lughawe neergestort. Die vlieënier was die enigste insittende en is dood. Die kommunikasiebestuurder van die Burgerlugvaartowerheid, Sisa Majola, sê dit is onduidelik van waar of waarheen die vliegtuig op pad was.
Vlieënier dood toe ligte vliegtuig neerstort
Die vlieënier van ‘n ligte vliegtuig is vanmiddag dood toe die vliegtuig kort na 3-uur neergestort het ‘n bietjie wes van die Ou Nelspruit-lughawe. Volgens Kyle van Reenen van Emer-G-Med was die vlieënier die enigste insittende. Die oorsaak van die ongeluk sal deur die Burgerlugvaartowerheid ondersoek word.